.

.
Paisani in anda pà a fiera di u Niolu. LC Canniccioni v 1910

24/04/2014

Ventu sardu

Oh, ci annuiavami !

Tandu ci semi decisi à ghjuccà à chi diciva a soia, e cusì l'ultimu aviva da vincia. Ma prima ci vuliva à sceglia una parodda.
Natali : "Attaccu eiu ? E scegliu a parodda : arba !"
Eiu : Aiò, va bè !
Eddu : "Ti cunnoscu arbetta dissi, ancu u ceccu, à l'urticula."
Eiu : "Trevuli battuti, trevuli battuti !" È cusì ch'eddu ha dettu à S. nanzu à basgià a coppia. Segnu ch'eddu aviva da compia a sò santa vita terrestra, tutta didicata à u travagliu.
E sempr'eiu : "Ventu.. sardu e arba mala !"* Spiravani i nostri vecchji à i numichi.
Tandu eddu : "Trà nepita e puleghju : unu mali e quidd'altru peghju ! Arba, arbetta, dici à toia o Sarrà, chi a meia è detta !"

M'ha presu !


Sighera, Vincenti van Gogh, 1889


*Postu ch'eddu si parla di ventu, un beddu cunsigliu : "Wild is the wind" è una canzona di Ninna Simone. Una tassitura di bocci senza paru, pari tuttu biddutu fondu, fondu, da senta.