.

.
Paisani in anda pà a fiera di u Niolu. LC Canniccioni v 1910

09/06/2018

Palingenesia

"Terminus à T...": a guerra era fora di raghjoni a sappivami, ma l'amori ? Compiu e lettu u libru di u tintu Lejean, ripinsava à ciò chi n'era statu di la sò vita, e par essa più precisu, di ciò chi n'era di u sò amori vitali, primurdiali.
Pinsedi, tandu, à quiddu bancarottu Orezzincu chi vindiva i sò palingenesii (a parodda, a m'aviva datta César Plantagor, di filusufia prufissori e à lu fronti, di ssi valurosi sargenti maggiori), à chi circava uni scontu. Tandu eddu, ad agna dumanda, testa dura e mufrognu, gridava : "Torna à Vignali chi è un beddu paesi !"
Era u recisu di a vita terrestra, à stu tintu Lejean capitanu sfattu, vanu e rifattu.
O amicacciu, riposa in la santa paci di Diu.