Ti pensu o Lou a sai, lu to cori è la caserna meia
I me senzi sò li cavaddi toi, u tò dolci ricordu è a luzerna meia
U celi sta sera s'empii à lastri di spironi
So ne vanni in lu bughju cannunieri pisantoni
Ma accantu à tè, rivegu e pò rivegu, u tò visu invadenti
A tò bocca, di curraghju, pari firitta ardenti
Di notti tonani i fanfari nustrali cume tona a tò boci
Quandi sogu à cavaddu e mi parli sottuvoci
Nostri 75 so graziosi e tali è la tò statura
Tò capeddi sò di focu è di focu dinò u cannoni, quiddu di a cumpiitura,
Rimbomba e schiatta à lu settentrioni
Ti tengu cara; i to mani e li ricordi mei,
Sonani à tutt'ora una fanfara alegra
I soli, taca à taca, s'intonnani à frumiteri
Semi l'intavulati arpiati da buffeghji stidderi*.
*Nous sommes les bat-flanc sur qui ruent les étoiles.
*Guillaume Apollinaire, après Alcools, Vol. 1, p 133. Lettres modernes Minard, 1981
.
Paisani in anda pà a fiera di u Niolu. LC Canniccioni v 1910
