"Abréger le cauchemar, aller vers un gouffre commun."
U sò nomi l'aghju sminticatu. Lorette mi pari ? Nò ? Un mi n'invengu più. È pò u nomi... un pudiva cà essa falzu.
I sò capeddi rossi longhi, longhi, sciolti com'à quiddi di i fati di i storii, currivani insinu à a punta di i sò chjappali.
A carizzava.
Fami un n'avivami mancu, agna tantu un servori ci cuddava qualchi buttiglia (un n'erami à mezu à i vigni, cù l'ubbligazioni di cunsumà?).
Fora piuviva è tichetti n'avivu pigliatu massi (par 10 franchi e più), à Madama Hairon.
Cù l'occhji chjusi, u sognu pudiva ricumicià, i buccii dinò.
Era a me siconda notti cù una donna in lettu.
E la notti passava, nera.
