À passi misurati, u regimentu s'era avvicinatu da l'Alimagna. Più di 300 chilometri trà Soupir e Saint Diė, fatti in un annu d'Aprili 16 ad oghji.
Erami ind'i "Vosgi" (è cusì ch'eddi chjamani ssi tarri, fatti à monti cuperti à ghjalghi tamanti à quiddi di Vizzavona, ch'eddi un fussini ancu più maiori !)
Mancà, mancava a mità di quiddi chi erani partuti cù noscu. À chi tombu, à chi firtu, à chi presu ind'i tuntii chi sta guerra sappiva fà nascia, à chi "riversatu" in un antra cumpania...
À chi, à chi. Vai chi...
.
Paisani in anda pà a fiera di u Niolu. LC Canniccioni v 1910
