Zi Papiolu u Cortulesu, sappeti.
Durmivu tra dui canteddi trosci aspitendu qualchi ordini seccu, i cosi com'eddi vi venani ?!
U ghjornu sunniavu e Zi Papiolu (era di Cortuli un paisolu vicinu à i Petri Rossi) stava com'à sempri à pipa in bocca pusatu, in piazza, davanti à sò porta.
Misteriosu pariva ch'eddu purtessi tutti i sigretti di stu mondu da par eddu: stancu e pisanti, pusava, Zi Papiolu, passivu e pinserosu : cugliva u ventu.
À mè mi gerbava l'idea di pudè cuddà mi ne à truvaddu sempi cuì. E pò, un ghjornu senza dì nudda à nimu, si n'è andatu Zi Papiolu. Si n'è andatu senza dì nimu à nudda.
Induva sarà andatu ? Misteru ?!
U si sarà purtatu u ventu...
Mi svegliedi.
