L'attacca era quista :
Di lu topu muraghjolu*,
Or si sà com'eddu campa,
Fà com'à u maturaghjolu
Arrubera ancu una stampa
Basta ch'eddu sighi tecchju
Da u musculinu la zampa,
E tandu com'u vicchjettu
Ind'a sò tanna si campa.
Aspettu cui la risposta,
O Dumè si tu sè bonu,
A menu che t'un sighi persu,
Purtatu da lu ciclonu ?
E se tu un la ti senti,
Forza d'altri a si ponu !
Chjamaremi tandu à Pasquali,
Di Ghjiasipolu, à Petronu?!
À datti u colpu di manu,
Di maretta o di zapponu...
