Surrachimi di l'11 d'aprili 1914

È statu l'usteriaghju à dacci l'idea : "Andeti nantu à una spiaggia viccina. Ci n'è, appunta, una drittu, drittu, si chjama lu Pultiddolu, andeti puru nun sareti mai diragnati."
È culà, carchi à sonnu, emi sunnuttatu, à andacciani miseriosi.
D'un colpu mi sogu svighjatu, d'un colpu, chi mi sintivu à Anna-Maria vicina, vicina.
Avivu sunniatu e tandu mi sò arrizzati i sigoni !

Natali, sunnoloni, si sà, surracava tali à u vecchju marinu, prontu à dorma ind'acqua.
Dumani sarà un antru ghjornu.
Ci arresta 98 lire ini stacchi ch'eddu m'ha cambiati Petru.
Da tena un mese senza travaglià.
L'emi à fà ?
A mani è falata una bedda burasca, ancu assai chi i nostri piloni sò guasgi novi.