Fiarabattulumi

M'è parsu di veda una fiarabattula bianca chi vultugliunava, un acceddu à darretu bicchi apartu. A si sarà magnata ?

La pierreuse

5 lugliu 1925

In paesi mi pigliavani guasgi par un sgiò chi m'eru ricivutu 3 lettari in pocu tempu, pinseti !

Sta volta è statu una lettara di Pogetin Alibert à rimentami u passatu.

Cù Alibert c'erami scontri in G. in 1917. Alibert era sempri prontu à tarrucà la ghjenti...

Di quissa ùn aghju mai sappiutu u sò nomi, dicu quì, u sò nomi veru. Certi a chjamavani Chiopatra, u pedi drittu morsu da una sarpa chjucca, chjucca ma vilinosa, d'altri di me cunniscienzi a chjamavani Appolonia, ed è cusì ch'e a chjamava eiu, Nannà, da Appolonia. 

Quiddi seri di bumbanza, quande noi faccivami a nozza, sottu à u sgardu varnicciatu di una merula giadda, (dipinta nantu à u sulaghju) tecchji à acqua vita di bassa qualitai.

Aubervilliers, le 25 juin 1925,

" (...) Sarratu,  cher ami, te rappelles-tu ami au village de G., nos soirs de bombance, au 5 de la rue Cadet, chez la mère Rodier ? Cigarettes et liqueurs à volonté et ces ciels remplis de merles jaunes. Là-bas souviens-toi, le numéro sur la facade était écrit si gros qu'il fallait être aveugle pour le louper et la lanterne en plus ! (...)

Amitiés camarade, écris-moi !"

AP

Da Graziella Ellie

(Pompei)

Damnatio memoriae

Mi n'invengu, passavani i ghjorni, eddu stava.

Suventi par niscintria, ossessioni, o addisperu o tuttu in un tempu, pudiva stà un'intera ghjurnata à cuntà, intra se stessu, nantu à i ditti, quantu lettrari c'era indi u sò nomi : Marie-Huguette : 13 + 1 s'eddu ci vuliva à cuntà a linietta d'accoppiu. Dopu viniva a casata e torra à Vignali, spaternustrava, spaternustrava i lettari, e u vidiati pichichjà di punta da u dittu grossu à ghjunghja à u mignulu nantu à u so bastonu, nantu à una tola, una petra... 

Era a sola manera di fadda (Edda) viva à fiancu à eddu.

Erani mesi e mesi ch'eddu facciva cusigna, mesi e anni ! Pusatu à tola certi volti ùn ascultava cà poccu i discorsi e pichjava di ditti nantu a tola M.a.r.i.e (chi sò cinqui), più unu, più H.u.g.u.e.t.t.e, (chi sò ottu)... ecc. 

Era a sò manera di ghjuccassi solu una mora cantata cun nimu, stondi di a storia d'un amori incantatu e mortu in un ciarbeddu maccu...

Pudiva durà l'affari, a vi dicu eiu.

U purfumu sordi e pisanti di meli purtatu da i tiglioli mischiatu à quiddu di raganizzu di u fenu appena tagliatu impiivani ssi locchi. Un veru deliziu da goda. 

Ma, qualcosa mancava, ùn la sò ?

Ssi purfumi diliciosi parivani empia l'aria da fà penta di pinsà à laccà sti locchi.

M'avivu da venda i sgiotti appena prima di a muntagnera. Ghjaseppu Furchitoni era intarressatu à ripigliaddi ma à vili prezzu ben'intesu. I Vuleddi e u pezzu di a casa i lasciariu à i mei.

Era guasgi decisu à cambià di vita. 

E, d'edda nienti, mancu un mottu. Quantu chi assenza e silenziu fussini statu dui frateddi di copii d'una mimoria maladetta !

Ci vuliva sfassà tuttu e stassine zittu e mutu. Era quistu u pattu murtali ch'edda s'aviva laccatu in lascita.

Stehende Frau mit Sonnenhut und Fächer, 

am blauen Mantel breite Goldborte. 

325-300 prima à Cristu. 

Altes Museum

Cruppu

Neyron, Sermenaz, mercredi 22 avril 1925 (lettara ricivuta, in paesi, l'8 maghju 1925).

Cher Sarratu,

Hier, la maladie a emporté ma chère petite sœur Annie. 

Le médecin, ce bon docteur Mary, arrivé trop tard, a laissé échapper de ses lèvres sèches le mot de "diphtérie", sentence superflue, alors, il a rangé son cartable diforme, nous a alertés, a rassemblé ses épaules sous son épais manteau de laine clair, a remonté son col, et refermé doucement la porte de notre maison pour affronter la nuit, nous abandonnant au vide immense qu'elle laisse derrière elle, un peu comme s'il s'était emparé de son âme avant de refermer, sur nous, notre cercueil bourré de solitude.

Maman est défaite et père noyé dans le vin et le chagrin. 

Nous attendons Jacques, mon frère qui, prévenu, doit arriver demain par le train de Lyon avec son épouse et la petite Jeanne, la famille sera au complet.

Nous sommes effondrés.

Alexia

O Signori, pareti ssa famiglia culpita di ssi malatii chi vani à l’appicciu.

Napoli, volta di a basilica di Santa Restituta, duomo di Santa Maria Assunta.

Taviu (3)

(Clearblues)

L'ottu di nuvembri 1918, Taviu era intrutu ind'a città di Strasburgu. Spessu ci cuntava a passata. Ùn saparaghju mai com'eddu avarà fattu à truvassi culà. Parò, c'era e, a più bedda è quandu eddu lampava in francesu : 

" I gradati cumandani e a truppa ubbidisci, moi non. Moi, j'ai porté le drapeau rouge rue de la Nuée Bleue*..."

E pò u 23, quandu i Francesi intretini in villa, pigliedi i so bertuli e scappa !

...

*Blöjwolikegass

Orme sanguine

STAZIONI X 
(Gesù spugliatu di i sò panni...)

Angeli voi
Dal ciel' scendete
L'ali stendete
Per ricoprir'

Gesù nudato
Ahi ! Tù sfacciato
Tanti rossore
Gli fai soffrire ?

Vi prego o Gesù buono
Per la vostra passione
Darci perdono.

Adoramus te, Criste et benedicimus tibi. 
Quia per sanctam crucem tuam redemisti mundum.

Miserere nostri domine.
Miserere nostri !

Ecc... insinu à a morti (e a risurrezioni) ?

À P.

 À tè, l'amicu caru, oghji sparitu, chi sè sempri indi u cori meu. 

"L'acra lingua di i morti si ripiglia sempri, indi una prumessa di vazzina". Andrée Chedid

Taviu (2)

11 marzu 1925

U soli allungava i so raggi. Sarani statu deci o ondinci ori di mani. Erami di marzu. Cù Taviu erami falati in piaghja à veda à zi Paulu di i Caginoni, ind'u Chjosu Novu duve t'aviva case e chjostri. 

A tarra pariva in amori. Era stata lavurata di nuvembri, accunciulata, pò suminata à granu.

Fighjulavu u tarrenu, (Paulu e Taviu erani accupati à parlà prezzi), ssu svapurumi fumicanti chi facciva baddà l'aria. Era quantu chi a tarra purtessi à tè, u tò ricordu fattu di ssi nienti chi empiani un mondu.

E, d'un colpu, u calori di u soli, feci spariscia u fumi, comu tu sè sparita ancu tu, in un amè...

E tandu sò partutu à rida, da chi ?

Taviu (1)

Di peddi bianca e vignaghjola, capeddi russini, Taviu era assiulatu.

T'aviva ancu guai à stassine à u soli senza chi i sò carri brusgessini, ed, a si pò dì, i prigantuli di Zia Maria Zeppa di i D. , l'arcizia, ùn l'aiutavani tantu. 

Si vardava da u soli cù la sò barretta Niulinca, (vinta à i carti, à a Santa, anni fà), a so baretta, bedda incalfata  cù lu sò mandiglioni biancu sottu, chi parava, u coddu, da i so raghji ardenti. Vistutu cusì pariva tuttu ch'eddu battiva u granu ind'aghja ancu puru di marzu.

U soiu, u fazzulettu, era fattu di dui pezzi di panni bianchi cusgiti da Zia Annetta.

I purtava comu faccivani l'omi di ssi truppi culuniali stazziunati qualchi volti in Aghjacciu (s'edda si po dì).

In paesi, u chjamavani Trenta Trè chi era statu u sò numaru di leva indi u dodici e s'era fattu i so 7 anni d'armata.

A vedalu cusì pariva un cuccu, massimu dipoi chi s'era decisu à tena u maceddu, in quidda carciara ch'eddi t'avivani sottu a casa di a famiglia. U strittonu passava davantu e, megliu, da alarga a strada avivani abbatu a casa di a zia, aprendu una bedda piazza davanti à u purtoni.

À tutti quiddi chi passavani da a Stretta Vecchja à venasini in paesi, li tuccava à passà davanti à u so cumerciu. 

Mi spiigava i sò tumberi da vena, u troppu bananincu ch'eddu aviva da circà in Vatera, i culteddi, a fiama larga, quiddi à fiama corta, compri l'altru ghjornu in Aghjacciu, u so macineddu da intazzà a carri purcina, i sacchi di sali da pudè fà a misgisca a settima chi veni...

Ed eiu, chi ni  n'avivu da sapè, eiu, d'Edda ?

Strega di u turmentu

I Petri Rossi, 10 farraghju 1925.

I coddimenula s'avviccinavani di u nostru caseddu, segnu di grand' fridura da vena. 

Da insù, i sgiotti curiosi, barba à u ventu, fighjulavani a piaghja. Pariva tuttu ch'eddi sunniassini.

Taviu era vinutu cun megu, t'aviva ind'a musetta a so buttiglietta di vinu e la so carbunata... Taviu !

L'altru ghjornu eru falatu in Aghjacciu, à cumprà un pocu di materiali indi Picherandot e Cumpagnia.

Prima di ripiglià u serviziu, mi sogu canzatu in San Rucheddu. In uni scorru c'era una piccula placa di marmaru grisgiu. C'era scrittu : 

                        Merci
                        Espoir
                       1913.

1913, pinseti, Cristacciu piluchjosu !!!

A sapivu chi m'eru lacatu culà, veni à dì in Cuntinenti, un pezzu di a me vita, di li me anni, di lu me sangui, di la so cara carri e di tantu di a carri di s'astri...

Parò, nun passava u passatu : a strega di lu turmentu mi bufunava in capu, notti e ghjornu. Ohimè !

Franjo Vranjanin (v. 1470)

The Frick Collection, New York.

Fatasimi

U paesi. Chi paesi ? 

I brioni, à u ventu, di Taviu R., (fertu à u fronti d'una sgherza di bruttu farru, setti anni fà), intrunavani l'arii di i nostri locchi. U tintu, s'era laccatu un pezzu d'ossu e di ciarbeddu par ssi Francii, 

Par eddu e par noi, a sera accindiva lumi morti da iIluminà un passatu trapassatu.

I tre S

Spara, spera e spira !

Eccu à ciò ch'e era.

À la Renommée des Escargots (13)

Eru pusatu e pinsava: La Renommée des Escargots... cafè... Loretta... e u colpu di a carta sgiappunesa !..

La Renommée des Escargots, ssu nomi era oramai un ricordu tra middi ricordi e più. Chalons un nomi di più, frà miliai e miliai di nomi scritti nantu à la strada chi fù meia. 

Di fatti, erami parechji ad essa andati à a scola di ssi nomi stragneri e strani, chi ci c'impiivani u capu e ci avivani imparatu u pezzu di u francesu ch'avà sapivami noi. C'era l'"u"di Lucien, du clair de lune, è sta manera particulari di dì Verdun, cù ssu "un" chi nun s’assumaglia à nudda in corsu (era l'un di l'un, deux, trois... ne faisaient qu'un..., c'est quelqu'un). Listessa par Chalons cu ssu "on" di Dijon, di Hairon, di l'Allons enfants de la patrie... di sti on ch’un n’avemi micca in corsu. E pò c'era tutti sti "eu, eu, eu" di euh, di eux, di deux, di Dieu, di bleu... chi impivani u francesu : Dieuse, la Meuse, megliu : Woëvre… ùn ni parlemi ! C'era dinò u "oi" di trois di Troyes, di l'oie, e l"eil" di Marseille, di veille, di merveilles e tanti altri maneri di parlà imparati à u fronti. U francesu ci avivia apartu a sò lingua e mi curriva in capu.

N’eru à stu puntu ch’e vi dicu quandu mi vensi in manu un libracciolu di scrittura ricamata, e chi Petrupolu, u stazziunagghju (chi sapiva leghja), m’aviva impristatu. 

Leghju, pagina novanta (90) : 

« Vurriu stà / guirlanda d’aceddi, carta sgiappunesa / cùn tecu / sutt’à l’ochja mascarati d’un trattu, u triangulu di Rembrandt / a furesta di i fiacculi, u pienu ghjornu / par ùn essa, abbandunatu e solu / ani piattu u versu d’una loda, ùn si lighjia che una parodda, u principiu, steti. »*

Mì, mì, mì chi era la storia mea, scritta d’un antru, cù un estru maravigliosamenti maravigliosu !

Loretta, Amor mio**, mi manchi e di u tò sudori, lu parfumu e l'adori, u tò muscu.

L'aceddi di Sa Disè, o Sà***, amicu caru, l'aceddi, eddi ci sò sempri… 

A guerra s'era fattu u sò vicu ind'i ciarbeddi nostri. E l'"an" di l'ans e l'ans ind'i tranchées. Basta, và, chi n'avivu una tecchja.

*Stefanu Cesari, Populu d’una branata. Èolienne edizioni, Bastia 2021, da leghja !

** Amor mio (1), Franck Sark.

*** Santu Casta.

(1) Amor mío mi vida es toda, un vacío sin ti. Quiero que me sienta cerca y así tus ojos en mi, amor mío.

Sant'Antoni 1923

Falavami in piaghja, par sti stretti, in freccia, ch'oghji è Sant'Antoni. In bocca m'arristava u gustu di u pianiolu d'annu, ma a definiscia lu, stu gustu, ùn mi viniva.

À l'altari, oghji, preti Vangonu: "U pani di Sant'Antoni t'ha u sapori di a gratitudina versu u Celu e di a carità versu i povari !.."

Eddu sì chi l'ha trovu !

Ipanema

O Sarrà "Da chi pudarà serva una petra ?" mi dumandava agna tantu Orsu Santu di i Cattoni. Ùn sappiva a risposta fin'ad oghji. Oghji a sogu, sapeti, ancu una petra pò piglià dolu. V'assigurgu. Ùn è o Pedra do Arpador, e cù l'agnuli stai bè ?!

La dame…

I Petri Rossi, 29 d'aprili di u 1923.

Piughera di maghju salva ogni pagliaghju, piughera d’aprili salva ogni piazzili ! Piughera sittimbrina facci a casa mischina. 

Da a parti di babbu ùn ci arristava cà a capanna disvitata di i Vuleddi, beddu sopra à a filtricia di Petra Mali. Era stata custruta nantu à u cumunu ma avivu sempri intesu chi i muri erani nostri. A guerra, l’usu e u tempu l’avivani fattu soiu: a capanna era rotta e ci tuccava à rifadda. Ziteddu, mi n'invengu ghjuccavami à piattatedda cù me frateddu e i nostri vicini e parenti Virgiliu e Taviu di i Patraneddi. Erami povari in canna tandu, ma campavami spinserati chi t'avivami u bia e u magnà e chi mamma pruvidiva agna cosa. E quandu ùn era mamma, era zia Minghetta, a vicina, chi era sempri pronta à dacci quachi pugnu d'uva secca o di noci... di staghjoni. ​Era un loccu senza niente ma nun mancavami di tuttu.

Certi seri tranivulava e ghjugnivu à piegna guasgi à cori rottu pinsendu à ssi tempi di suliva, (ch'un arristava à nimu di quisti, for' di Ghjiormu me frateddu ed eiu): Taviu era statu tombu eddu u prima in Soisson, côte 132, di ghjinnaghju 1915, Virgigliu fù sfrascicatu da un char nostru, un Schneider CA1, in manovra ind'u 1918, à a fin' d'uttrovi, mi cuntava ziu Petroni). O guerra maladetta... bon, scambiemi di discorsu !

Da a guerra à Marie-Huguette, si sà, ùn c’è tantu. E notti passata, m'eru suniatu d’Edda pà maraviglia. A vidiva dritta stichitta, chjinata nantu à u fotogliu di ssi cafè chics parighjini de la rue de la Paix, à purtata di manu. Si era vistuta di bleu, a sò larga paglietta in manu. Mi fighjulava senza fà mottu quantu ch'edda s'aspittessi che mi muvessi. Eiu, intrunatu e bravu cum'è u pani aspittava. Pudiva durà l'affari ! À a fini pò s'alzedi e mi vinsi à pusà accantu, à fà i sò divuzioni (s’eddu si pò dì)... O Marie-Hughette u me dolci di meli d’albicoccu e di sesamu mischiatu, cusì bedda che tu eri.

« Travedi o caru », dissi tandu a bucciaredda e di fattu travidivu e ci vuliva à fadda finita chi oghji ùn era più tempu di barbachjuleri, chi oghji è tempu di piughera.

Par rivena à i nostri affari, erani anni e anni chi u tettu à tarraza di u caseddu di i Vuleddi s’era sfundatu, mancava parti di a sò volta cù l’intettatura cum’eddu si devi. A staghjoni era avanzata cust’annu. Cù Ghjiormu me frateddu, ci strignivami u curreghju e dunqua c’erami decisi à rifà à fondu u caseddu, ch’eddu era prontu à stalassi culà à fanni lu sò stazzu, chi era una richezza d’essa subitu annantu à u cumunu par un pastori di sgiotti cum’à eddu. Circavami ad alargaci.

Pocchi ghjorni innanzu erami falati in Aghjacciu à cumprassi, cù lu poccu di soldu chi ci arrestava, (di u tempu di quandu erami suldati tremindui), un battiteddu di farru e dui zapponi novi framenti ind'a u sociaru d’Echaffidre Picherandot, instalatu, da pocu, 67 corsu Napughjò. M’eru fattu cunnoscia e u patroni mi dissi : « Donc, vous voulez une dame et deux pioches, c’est ça ? Puisque vous êtes l’ami corse d’Echaffidre, je vous consens un crédit sur 12 mois, signez là ! ». Vurtedimi in paesi cuntenti com’à cucchi, pronti à travaglià e à impatacciulà a tarra rossa, quantu à quindici. Si sà chi un tettu piugattu dura un beddu pezzu, s’eddu è fattu in cundizioni. Me frateddu, annu, s’era tagliatu, à luna nova, una sima castagnina ind’i Puddoni e li sò travi ugliastrini, più ghjò nantu à zi Michè. Avivami coltu e sceltu i petri di a volta e zi Tantà aviva scalpiddinatu a fiancata (detta « chjavi »). Tantà era omu di mestieru e ch’eddu s’era arrubatu ind'a Prima, muratori talianu chjamatu da preti Fangonu da fà u novu campanili.

C’era à vulsutu à ripiglià l’affiancatura, in trè settimani a muratura di a volta fù stata rifatta. Erami cuntenti di stu travagliu compiu. A volta impetrata era una bidezza ! Par metta l’intettatura fù abbastanza comodu, a sima d’una parti, tinuta da i sò trè pilastri ugliastrini, i scanduli castagnini aghjustati à pineddu, incurunavani u tettu cù qualchi petri platti accunciati in cundizioni. U tettu era prontu à riceva a tarra detta « tufu à tarraza ». A tarra, a carcavami ind’u tarraghju di a Furnaccia, più insù in l’Alzetta di Matalena, tamanta strapatta par ghjungnaci, infini… Ci sara vulsutu guasgi cinquanta carchi. Una soma, veni à dì dui sacconi di trenta litri di tarra vergini zappata e ciarnigliata, pisava oooh. Ancu assai che nò avivami buscu i dui muli di Ghjuvani Maria gratisi. Francesca Maria, nostra suredda, ciarnigliava, ciarnigliava… Noi ghjunti ind’i Vuleddi, scarcavami à tarra culà nantu à un’aghja vicina e fatta aposta. Ci vuliva, dopu, amugliadda sta tarrra e laccadda ripusà chi a pasta levitessi una notti o, ancu megliu, dui. U tettu fù finitu à a lestra. Ci arristava à copra lu di tarra cù murzu, arba, lana, mucchji à buleghju, (u strulammu u chjamavani) e di piugà. 

Me frateddu cuntenti di veda tamantu travagliu guasgi compiu era cuddattu nantu à u tettu briunava :  « U prima chi ghjunghji... ch'eddu piochi ! » e di fatti c’era u mondu à l’aiutu. À chi buliccava a tarra, à chi a si carcava in coddu à chi a lampava nantu à u tettu, à chi a sparghjiva, à chi a battiva di mazzoli, à chi di piocca scuppina o di battiteddu compru à la Quinquaillerie française di u corsu (la dame). In trè ghjorni fù fattu. A tarra piugata pretta divintarà astraccu cù u soli e cù un tempu. Me frateddu t’aviva a sò casa, ùn c’è u proverbiu chi dici : « Casa è sempre casa ancu s'edda t'ha un tettu di paglia » ? A festa fù trimenda. 

A sera, acciaccatu da a fatica pinsava à ciò ch’eddu m’aviva dettu u parenti à Echaffidre: « Vous voulez une dame ? ». Ma cum’à Edda ùn ci n’era.

Da Colucci/Bottiglioni

1933

XIII

 (À zia...)

Il sol s'oscura
E infin la terra
Il sen dissera 
Pè 'l gran dolor.

Morto è il Signore !
O peccatore
Se tu non piangi
Sei senza cuore.

Vi prego, o Gesù buono 

Per la vostra passione

Darci perdono.

T'aghju purtatu un mazzulettu di violi...

À P.

À tè, l'amicu caru, oghji sparitu, chi sè sempri indi u cori meu. 

"L'acra lingua di i morti si ripiglia sempri, indi una prumessa di vazzina". Andrée Chedid

Shahrazād

"L'ombre est douce et mon maître dort
Coiffé d'un bonnet conique de soie
Et son long nez jaune en sa barbe blanche.

Mais moi, je suis éveillée encore
Et j'écoute au dehors
Une chanson de flûte où s'épanche
Tour à tour la tristesse ou la joie
Un air tour à tour langoureux ou frivole
Que mon amoureux chéri joue

Et quand je m'approche de la croisée
Il me semble que chaque note s'envole
De la flûte vers ma joue
Comme un mystérieux baiser..."

T Klingsor 1903 

In Shéhérazade M.41-2. La flûte enchantée, Ravel.

Vilhelm Hammershoi (1864-1916),

Danish Art Collection 

© TX0006154704, 22 Marzu, 2005

d'Echaffidre Picherandot

Fiffì m'ha scrittu, lettara ricivuta oghji ghjornu,16 di farraghju 1923, in paesi.

Un v'aghju mai intratinutu d'Echaffidre Picherandot, una piccula cunniscienza fatta ind'u 141 esimu, anni e anni fà? Di nomi Echaffidre e di casata Picherandot, « Fiffì » come noi u chjamavani era un omu di meza taglia cù capeddi neri e un ciuffeddu biancu, un visu rossu, rossu, occhji sciarpati e la sò bucciaredda chi pariva tutta quidda d'una donna. Viniva, cù d’altri da quiddi muntagni di u Massiffu Centrale di u Cuntinenti. Avivami spartutu pocu e tuttu cun eddu, cù Linard e tanti altri, avivami...

Valurosu e paurosu era poccu catanu, ma bravacciu.

A sò lettara dicivia:

« Jeudi 2 février 1922,

Salut conscrit, 

Le sergent Talamasca, rencontré à Paris par hasard, m'a donné ton adresse aux Petri Rossi, vu que je voulais m’entretenir avec toi au cas où...

J'espère que tout gaze pour ta pomme.

Je voulais te dire que m'en vients (sic) m'installer en Corse la saison prochaine, car ma moitié est du coin et ses parents parlent d’acheter une quincaillerie sur Ajassio. Une bonne affaire paraît-il. Crois-tu pouvoir qu'on se rencontre, car je sais que tu loge (re-sic) dans patelin pas loin ? Tu me dis vite ? Je te serre la paluche depuis le Puy-de-Dôme.

Ton poteau Fiffì du 141ème. 

EchP »

Dumani, rispundaraghju à volta di lettara. Mancu à dì à Talamasca! Ed Echaffidre, ma chi nomi, pò Echaffidre !!!

Una lettara a mi l’aspittava, ma quista pò micca… In tra me stessu, fendu niccia di scriva in francesu nantu à u fogliu : « Voyez-vous cher fantôme, Echaffidre, lui, se souvient de moi. Et vous, vous souvenez-vous du mois de … des pourpres de sangs crachés, des robes lumineuses, fontaines de vies étreintes, du silence des hommes et du bruit de vos peurs et de, et rien… basta ?!».

M’era seccu l’inchjostru bleu* di la mio pena…(in capu), e m’era vinutu a stizza. Una stizza bleue*, s’eddu ùn si pò dì nera !

In paesi, cum’à sempri l’arrivata di u currieru feci parlà, chi vuleti, è sempri statu cusì.

*Da veda, u bigliettu di u 02/08/1914

Uttrovi 1922

La sicchina fù trimenda,
Cù la murta uttimbrina
À fiurisci tempu à tempu
À li sò frutti maturi !

D'un'annata assassina,

Di bughjuri neri e scuri...

Dulori capitali

E quandi nun ci sei tù, sognu che dormu e sognu che sognu
Ti cercu aldilà di l'aspittanza
Aldilà di me stessu
E nun sogu mancu più - tantu ti tengu caru
Tra noi dui, quali nun c'è.

Paul Eluard, Capitale de la douleur 

Damnatio memoriae

 Ciò chi di me sapisti

Nun fù cà la scialbatura,
La tunaca che rivesti
Nostra umana avvintura.

Ed era forsa oltri u telu
L'azzuru tranquiddu ;
Vietava u limpidu celu
Solu un sigillu.

O veru c'era un fucarolu
Mutassi di a me vita,
U sbucciasi d'un'ignita
Zolla che mai vidrò*.

Restò così quista scorza
la vera mea sostanza ;
U focu che nun si smorza
per me si chiamò: l'ignuranza.

Se un'ombra scupreti, non è
un'ombra - ma quidda eiu sogu.
Putessi spicca la da me,
offravi la in donu.

Eugenio Montale
(Missu in corsu da a verzioni taliana originali: Ossi di seppia, Torino, Piero Gobetti ed.)


*Vidaraghju

19..

Salve, Regína, mater misericórdiae, vita, dulcédo et spes nostra, salve.

Ad te clamamus, éxules fílii Evae. Ad te suspiramus, geméntes et flentes in hac lacrimarum valle.

Eia ergo, advocata nostra, illos tuos misericórdes óculos ad nos convérte.

Et Iesum, benedíctum fructum ventris tui, nobis post hoc exílium osténde.

O clemens, o pia, o dulcis Virgo María.

Basilica di Santa Maria degli Angeli

Madonna col Bambino in cielo (dit.)

Perugia

Fotò, Galleria nazionale dell'Umbria.

As time goes by....

Eddu :"Ma comu fareti, o Madamicedda, ad essa cusì bedda, cù la vostra carnatura di latti e di vinu impastata !?"

Edda : "Pani di legnu e vin' di petra, eccu ciò ch'e magnu eiu..."

Sò paroddi antichi.

"Play it once, Sam..."

U tangò di Sant'Antoni di u 1922

S'inveniva chi annu (1921), si n'era vultatu solu in paesi chi t'aviva u pinseru di l'ortu di i Vignali d'inghjò. "U matrali di u Masciareddu è biottu", aviva dettu zi Santu Battiolu in piazza à lu Cavoni: "L'ultima volta è stata in lu 1878, annata d'una sicchina tremenda".

Ini stacca strigniva i sò panioli freschi di li sò mani frusti e tarrosi. Era appena raligritu chi poccu innanzu si n’era magnatu unu, si tiniva sempri u sò gustu in bocca. In capu li baddava a canzona cantata l'altra sera da u sò caru amicu Micheli : " Sei senza cori, nun hai pietà di mè... quelli semplici paroli, quelli frasi appassionati... eiu trementi di passioni... sei senza cori... perché non ti ricordi... il mio sguardu appassiunatu t'ha suvitatu lungamenti... non ti ricordi più !.."*

Era ancu tristu d'essasi lasciatu sta festa miraculosa, ma li tuccava à cuddà à salva u sò ortu ch'eddu nun pudiva tena un ghjornu di più senza l'acqua di u fiumi.

Prigava, strada faccendu, intrà se stessu :

"Biatu Sant'Antonu, francateci da la saietta, da lu tonnu." (Aghjustava: "e pareteci da a sicchina di l’acqua, di l’amante velinosi, di li solitudini amurosi."). Prigava.

Chiattra (Part.)

Cù l'aiutu di 

People of Corsica,

À ringraziaddu

*Non ti ricordi più, Luciano Tajoli.

À C. (47)

Avessini chjamatu, eddi, à tè, a Paiana chi sappii tù, i piegni, i dulori e li strazii di quandu u silenziu maestru s'impadrunniscia sti locchi di dulcezza, d'acqua melina, di lavoni, d'arba bambina, di nucienza fatali. A quiddi tempi, ghjustizia ci n'era poccu, equità micca. Ti ci vuliva à soffra di tanti e tanti, di tutti i tò piccati. Pensa ! 

Ma ci vuliva à fà ti capiscia a Lege Maiora, quidda di sti donni micidaghji, sempri pronti, à palpà, intazzà, sfrascicà e straccià di denti a carri amurosa, da fanni u sò cibu di sangui. Ti ci vuliva à mora, à spariscia di stu mondu, à stattini mutta, cecca e ferta. E ti gridavani, in faccia, ssi streghi malfacienti: "Viaghja! Ma viaghja !"

E tù, puvaretta, pignivi e sciaquagliava i panni persi... E, da la tò peddi appenaredda ingonfia, nudda.

Più indà rimbumbavani i "Sciaccà, sciaccà, sciaccà..." aspitati: tristezza umana à quiddi tempi andati.

E cusì fù.

Ti tengu caru.

“Ghismunda” (det.)
Bernardino Mei
1650-1659
Palazzo Chigi alla Postierla, 

Siena.

À P.

A tè, l'amicu caru, oghji sparitu, chi sè sempri indu u cori meu. 

"L'acra lingua di i morti si ripiglia sempri, indi una prumessa di vazzina". Andrée Chedid

Ouistreham (3)

Ouistreham, dix-huitième jour sur place, ce 16 février 1922.

Comme Neyron est loin...

Mais, laissez-moi, plutôt, vous parler de notre quotidien. Nos jours se ressemblent. Nous voyons peu de monde sauf notre voisin un certain Lompret, je crois, un monsieur âgé d'au moins quarante cinq ans. On dit ici que c'est lui qui est à l'origine de ce quartier nouveau où nous vivons, qu'on appelle "Riva-Belle" et d'où l'on voit la mer.

Figurez-vous, qu'il a travaillé toute sa vie entière à Caen et dans la confection ! il était fabricant.

Aussi ne manque-t-il pas une occasion pour venir, presque chaque jour pour nous rendre visite. Il partage alors avec nous ses secrets de couture et nous rions ensemble, car il est très taquin.
Le voilà à son affaire décrivant les erreurs grossières des jeunes ouvrières, les trébuchements des anciennes sur les machines neuves, les tics de langage de son épouse qui est restée en ville. Immanquablement, il vient à l'heure du thé, se complet à se faire prier pour se faire inviter, apportant dragées, madeleines ou chocolats, parfois un brin de mimosa chacune. Nous, nous lui racontons l'envers du décor et comment réagissaient ses clientes parisiennes à toutes ses nouveautés que nous connaissions bien.

Les heures s'égrainent ainsi, remplies d'un vide salvateur qui semblait nous combler. Mahy* oublie momentanément sa douleur. Mais, à la tombée du jour, la voilà à nouveau sombre, comme seule sait être sombre la nuit de bords de mer sans lune, sans phare. Rien n'y fait et malgré Lompret et ses futilités. Hier encore, aux alentours de minuit, je l'ai trouvée errante dans les rues du hameau, hagarde, épuisée, sans souffle, comme anesthésiée, avec le visage crispé d'une neurasthénique. 

La voilà, pauvre enfant, veuve à vingt deux ans à peine, abonnée aux malheurs de l'Absence.

Qu'a-t-elle fait au bon Dieu pour mériter cela? Rien sans doute.

Je n'ose vous donner notre adresse, j'hésite, je ne sais pas.

Alexia 

*Mahy: numignulu datu à Marie-Hughette da Alexia.

A C (46)

Ex arena funiculum nectis...

Quidda notti, à fammi prighjunieru di u tò da vena, m’avivi intricciatu tù, una longa funa di rena tesa da u Monti Curaddu à ghjunghja à u Monti Nieddu. 

À C. (45)

 "Indi a notti, ci sè tù*,

Indi u ghjornu torra, listessu."

R Desnos, Les Espaces du Sommeil.

*Il y a toi l'immolée, toi que j'attends.

Farraghju...

M'ha dettu zi Blieccu, arimani, ch' eddu s'era ramintatu di u purfumu di u mimosà farraghjincu quarant'anni doppu, (ch'aviva mancatu massi in paesi). Sara vera ?

U sconciu farà l'acconciu un è ?

À C (44)

Povara sopravissuta di ciò chi nun è più, 
Trascinati, scalza, l'anima toia adulurita e nera,
E biatti sin'à l'ultimu ogliu, ciò chi deve essa bittu !
Ch'ùn hai lasciatu brama à ciò chi ùn è più, ma era.
E arrizzati dumani e prova à tenati arrita !
Se arrita nun teni, badda sopra u ziglioni, l'abbaddatera e aspetta e spera.

Ouistreham (2)

"È a donna chi nun parla chi s'arruba i cori" (pruverbiu).

Cher Sarratu,

Je vous écris depuis Cabourg, où nous sommes allées en promenade. Mahy* est au plus mal, enfermée dans son deuil. Une de ses connaissances lui a gentiment offert de passer quelques jours "au bord de la mer pour l'aider à la ragaillardir". Nous logeons (dois-je vous dire gratuitement) à Ouistreham dans une maison moderne, face à la mer, avec lumière électrique, chauffage et salle de bain.

Les jours passent merveilleux et tristes. Le merveilleux est lové dans les nuages, le soleil, la brume, les ciels roses de Bonnard, l'électricité. Le triste est partout ailleurs.

Nous n'osons parler de vous...

* Numignulu di Marie-Hughette.

Peder S Kroyer,

 "Dolci sirata à u mari di Snkagen, Sonderstrand

(A pruminata d'Anna Ancher e Marie Kroyer)"

1893

©Art Museums of Skagen

Neyron (5)

Ghjunsi u dispacciu, radiotelegrammatu e purtatu in casa specialmenti da Francescu di i Diapuleddi, scrittu in corti paroddi :

"Neyron ce 2 janvier 1922, stop. Brulelliot décédé, Mahy* dévastée, stop. 

Alexia."

O sorti acerba! A notti strigniva, cum'edda sà strigna, sempri. E chi n'avivu da fà, avà eiu, di stu votu tanti volti mandatu à u Signori?

*Numignulu par Marie-Hughette.

"What hath God wrought"

A C. (43)

 Un bel tacer' nun fù mai scrittu.

Neyron (4)

Neyron, le 16 mars 1921

Très cher fantôme,

Il y a maintenant si longtemps que je reste sans nouvelles de vous, les côtes de l'Algérie s'éloignent. Ce n'est rien qu'un mirage de plus. 

Je joins cette photographie, pâlie, d'un temps passé en espérant votre indulgence. Nous étions si heureuses, si curieuses, ensemble...

James Tissot

1869

Cincinnati Art Museum 

À M. Ughetta, appuntu.

 Litanii di u Santu Nomi di Maria:

Signori aghjiti pietà
Signori, aghjiti pietà.
Cristu, aghjti pietà.
Signori, aghjiti pietà.
Figliolu di Maria, ascultetici,
Figliolu di Maria, esaudetici.
Padri cilestu, di cui Maria è Figliola, aghjiti pietà di noi.
Verbu Eternu, di cui Maria è Madri, aghjiti pietà di noi.
Spiritu Santu, di cui Maria è Sposa, aghjiti pietà di noi.
Trinità Divina, di cui Maria è Serva aghjiti pietà di noi.
Madri di Diu vivu, prigheti par noi.
Maria, figliola di u Lumi eternu, prigheti par noi.
Maria, Lumi nostru, prigheti par noi.
Maria, Suredda nostra, prigheti par noi.
Maria, fiori di Ghjessè, prigheti par noi.
Maria, Dumanda di i rè, prigheti par noi.
Maria, l'Affizziunata da Diu, prigheti par noi.
Maria, Vergine Immaculata, prigheti par noi.
Maria, di Ghjustizia, prigheti par noi.
Maria, Lumi indi i tenebri, prigheti par noi.
Maria, Ricovaru nostru e sicuru, prigheti par noi.
Maria, Casa di Diu, prigheti par noi.
Marie, Santuariu di lu nostru Signori, prigheti par noi.
Maria, Altari di a Divinità, prigheti par noi.
Maria, Vergine Madri, prigheti par noi.
Maria, chi cunteni à Diu u Figiolu vostru, prigheti par noi.
Maria, à requie cù la Savieza Eterna, prigheti par noi.
Maria, Mari d'Amarezza, prigheti par noi.
Maria, Stedda di u Mari, prigheti par noi.
Maria, chi aveti suffertu cù lu vostru Unicu Figliolu solu, prigheti par noi.
Maria, trapanata da una spadda di Dulori, prigheti par noi.
Maria, stracciata da una Crudeli Piaga, prigheti par noi.
Maria, trista sina à a morti, prigheti par noi.
Maria, priva di cunfortu, prigheti par noi.
Maria, sottumessa à a leggi di Diu, prigheti par noi.
Maria, alzata da a Croci di Ghjesù, prigheti par noi.
Maria, Signora Nostra, prigheti par noi.
Maria, Regina Nostra, prigheti par noi.
Maria, di a Gloria Regina, prigheti par noi.
Maria, di a Esgia Triunfatrici, prigheti par noi.
Maria, Regina Biata, prigheti par noi.
Maria, di a esgia militanti l'avucata, prigheti par noi.
Maria, Regina di Misericordia, prigheti par noi.
Maria, Consulatrice di a Esgia penitenti, prigheti par noi.
Maria, soppru à l'agnuli, prigheti par noi.
Maria, di i Dodici Steddi curunata, prigheti par noi.
Maria, comu à u Soli Splindurenti, prigheti par noi
Maria, Distinta e soppra à tuttu, prigheti par noi.
Maria, pusata à a dritta di Ghjesù, prigheti par noi.
Maria, Sperenza Nostra, prigheti par noi.
Maria, Nostra Dulcezza, prigheti par noi.
Maria, o Gloria di Ghjerusalemme, prigheti par noi.
Maria, Gioa d'Israeli, prigheti par noi.
Maria, di u nostru Populu l'Onori, prigheti par noi.
Agnus Dei, qui tollis peccata mundi, aghjiti pietà di noi, Signori Ghjesù.
Agnus Dei, qui tollis peccata mundi, aghjiti pietà di noi, Signori Ghjesù.
Agnus Dei, qui tollis peccata mundi, aghjiti pietà di noi, Signori Ghjesù.
Figliolu di Maria, ascultetici,
Figliolu di Maria, esaudetici.
Or' prighemi.
O Diu onniputenti, chi benedisci i tò sinceri servi desiderosi di tenasi sottu à l'ombra di u nomi e di a prutezzioni di a Santissima Vergini Maria, vi priguremi e chi par eddu fussimi liberati d'ogni mali tarrestru, e di raghjunghja l'aligrezzi eterni, in celu, par Ghjesù Cristu u Nostru Signori.

E cusì sia.

Pietro degli Oriolio

Madonna cù Bambinu

(1480)

Pinacoteca di Brera, Milanu.

 

À P.

15/03/2021

A tè, l'amicu caru, oghji sparitu, chi sè sempri indu u cori meu. "L'acra lingua di i morti si ripiglia sempri, indi una prumessa di vazzina". Andrée Chedid

Marza

Cattiva Marza, mamma di tanti pienti e disgrazia, di suffrenzi battenti.

Dolu (5)

E pò c'era sta croci, detta croci di Sa Larenti, fatta di legnu castagninu, alzata quì, da rimintacci a esgia vecchja, Tistimonia.

PJ Scarbonchi

O crux ave spes unica

Dolu (4)

 Cuntinueghju à ùn moramini micca.

Dolu (3)

 à HG,

U rossu, era u sò culori di dolu. 

Chi vuleti, u s'era sceltu cusigna ?

(Parò, s'era tagliatu i capeddi).

Giovanni Bellini, Madonna col bambino.
(Ditagliu)
Museo di Castelvecchio, 

Verona

Dolu (2)

In paesi stu 22 di sittembri di u 1920.

Mi n'invengu erami piatti in uni scorru di a tranchée 34, sottu à un bumbardamentu di barasgiu numicu. Talamasca si ni ridiva, eddu sempri à circassila brutta...

Piuviva, filemi à l'appiatu, pigliemi u boyau à dritta, quandi Talamasca, scuratu,  lampedi i sò "Mì, o Sarrà, mirè !"

Di fatti, sottu à i pedi avivami un manteddu tudescu grisgiu nerinu, lampatu trosciu, in tarra. Sintedimi tandu a bocci, di sti bucciareddi fini, fini chi, quandu vò i sintiti, sapeti chi a parsona n'ha par poccu. Avanzemi, cu la bagliunetta à u canoni, pronti tremindui à sparà. In tarra truvemi unu di sti sargenti di a sappa numica, civi à l'aria, quantu chi a carica di a sò dinamita, l'avessi intrunatu, poi stracciatu, u corpu. Sanguinava. I lagni si faccivani corti e corti di di più, l'abandunnava a vita, si vidiva, un c'era più nudda à fà chi u tippu era ghjuntu à u varcatoghju. Morsi pocchi tempu doppu in uni sboccu di sangui.

Talamasca, sargenti, mi dedi l'ordini: "Palpa lu, ch'un si sà mai !" U tipu t'aviva poccu affari addossu, un portafogliu cù lu sò nomi Jop e la sò casata Bauwer (ch'eddu un sighi u cuntrariu ?), e pò c'era sta fotografia ch'aghju in manu, oghji, quattru anni doppu...

A donna, occhji torti, baiddona e forti pariva guasgi trista di la sò sorti e u cappeddu neru ch'edda si purtava in capu ùn li bastava à cuntintadda, si vidiva. Eddu, sticchiti, sticchitu, faciva u fieru cù la sò croci di guerra vinta, da poccu, in quiddi campi di pettu à noi. Comu avarà fattu à vincia la ? A v'aghju da dì: tumbendusini camarati à noi di Cambrai, Calasimà, Kattara, Kemeber, o Camaret... Pudiva essa fieru quiddu ghjornu nantu à sta fotografia chi, dui mesi e mezu doppu l'avivami da truvà (1918) in stu campu militariu ch'e v'aghju dettu, ghjorni poccu nanzu à l'artimizia.

A tranchée 34 duve erami a sera ch'e vi dicu e chi li ghjuvava di fossa pruvisoria, l'avivani chjamata Adèle, par scherzu (beddu nomi par un muritoghju, nò ?). E darretu à sta fotografia, ch'e mi tinivu in manu, (appressu à li sgiotti di me frateddu ind'i Vuleddi), c'era scrittu: 

"Adelheid und Jop für immer." 

"Tontu à chi scrivi, biatu à chi canta, dici u pruverbiu. O Ghjoppu... Avà a saparè ?"

Neyron (3)

Je ne vous ai pas raconté les fiançailles.

Tout c'est tres bien passé.

Nous avons beaucoup ri, quand mon frère Jacques a entonné la chanson de Robert Jysor, "Ne bercez pas mon coeur..." qui dit:

Sur le bateau qui va vers l'autre monde, 
Ils étaient deux qui rêvaient dans la nuit,
Elle penchait sur lui sa tête blonde
Et lui, tout bas, murmurait très épris:
"Oh ma Daisy vos grands yeux de mystère, 
Ont pour toujours ensorcelés mon coeur.
Je vois déjà sur la terre étrangère,
Pour nous briller l'étoile du bonheur...

Mais sur la mer le vent s'était levé..."

Faut-il donc, qu'à chaque instant il y ait toujours un mais ?

Ici...

15 d'aostu di u 1920

 Ti pregu o Maria.

Madonna della Pace (part.), 

Pinturicchio, circa, 1490 

Pinacoteca civica Tacchi-Venturi

San Severino Marche

Ottu e mezu

G: Sarii tu capaci à lascià tuttu e ricumincià a vita da zeru ? Di sceglia una cosa, una cosa sola ed essa fideli à quidda? E riescia à fadda diventà la raghjò di a tò vita, una cosa chi racogli tuttu e chi diventi tuttu, postu chi è appuntu la tua fideltà chi a facci diventà infinita. Ni sarii capaci ? Eccu stami à senta s'e ti dicessi, C...

C: E tu... sarii capaci?

G: Nò... nò stu tipu nò, nun è capaci. Quistu si voli piglià tuttu e basta, arrubassi tuttu, nun sà rinuncià à nienti; cambia strada ogni ghjornu o parchi chi t'ha a paura di perda a strada ghjusta, si ni mori, quantu ch'eddu fussi dissanguinatu.

C: E cusì ch'edda finisci a storghja?

G: Innò cumencia cusì, e pò incontra sta zitedda di a funtana, è di quiddi chi ti danni l'acqua par guariscia, è bedda bedda, ghjovana e antica, ghjuvanutedda e digià donna, sputica, solari. Nun c'è dubbiu ch'edda sia, edda, la sua salvezza.

...

Trumboni

Dicivani, in paesi, di Zi Bambusciu ch'eddu s'era laccatu u ciarbeddu in Lorena, u tintu. E tutti i mani u sintiati, à 5 ori, suffià da lu sò  trumboni u "Sveghjati suldatu"!

Quantu che nò fussimi in qualchi caserna di i fruntieri...

Anh...

Da Entre les lignes

Mael-Odin

Galerie D Maghen

Sd v 2018

Neyron (2)

Neyron (1)

Neyron, le 18 juillet 1920,

Cher Sarratu,

J'ai rejoint la maison familiale, retrouvé mes parents. Je me sens apaisée.

C'est mon anniversaire, je viens d'avoir vingt ans. Je regarde la maison, hume les parfums des roses du jardin et me demande de quelles histoires à venir ces murs seront-ils les témoins ?

Et ma pensée s'égare, hommage sans doute maladroit aux amours à naître ou à périr, ici.

PS: Ce soir, mon frère se fiance, nous faisons une fête. Je vous raconterai.

La Samaritaine (12)

Paris, ce 14 juillet 1920,

Cher Sarratu,

Me voici sur le point de rendre ma chambre de la rue Castellane, avant de prendre, dès ce soir, le train pour Lyon.

Je ne sais pas si je dois me réjouir ou être triste. Il faut vous dire que j'aimais tant me rendre au magasin, chaque matin, préparer les rayons, mettre tout en place. J'avais pris l'habitude de descendre la rue Tronchet, rejoindre la place de la Concorde et puis longer la Seine. 

Pour moi, ce voyage à la maison résonne, un peu, comme un retour en arrière. Je ne sais qu'imaginer. Enfin, disons que si nous nous retrouvons au bout de ce chemin, cela n'aura pas été inutile.

Et vous, dans votre cher village, arrivez-vous à panser toutes vos plaies ?

Je vous écrirai depuis chez mes parents.  Vous pouvez m'y écrire à l'adresse suivante: 

Alexia R chez M et Mme C Ruby-Ecornez, 12 rue Principale, à Neyron le haut, département de l'Ain. 

Donnez-moi de vos nouvelles.

Bien amicalement votre.

Alexia

PS: pardon pour cette affreuse carte-postale, mais elle était soldée. 

Dolu (1)

À Ghj Ch.

Lugliu 1920

Ùn c'è cori senza pena, (dici u pruverbiu e aghjungu, eiu) ne paesi senza dolu.

Via via, a forza di u passatu mi falava ind'i veni cum'è a piena, e tuttu si purtava. 

Currivani par sti stretti i setti battituri di a Madonna.

Ùn c'era una casa chi nun fussi tocca. Un c'era cà porti e aletti sarati par mesi e mesi, segnu di dolu prufondu. I donni s'erani laccati i sò fazzuleti bianchi e i vidiati passà vistuti di neru, cù tissuti cumprati à bon' patu in Aghjacciu, ghjunti da u Cuntinenti, ssi pocchi mesi. I capi di ssi donni s'erani eddi cuparti di mezaru di dolu. 

U neru rimpiazzava i nostri panni colori di viola niedda chi ghjuvavani di reguli ad accumpagnà a morti. 

E quandi ùn era dolu, era affanu e crepa cori. Di la nostra ghjuventù, ni sarà frimatu i paterni. Quindici classi, s'eddu ùn è di di più, cù infermi, martuli e uffesi. Culà s'impiivani l'uspidali. Quì, quantu erani, i ghjovanotti di i me tempi, o guasgi, cunstriti, vultati da u "fronti" senza essa struppiati à vita? Sarani stati vinti novi o trenta (chi mancava à Ghjuvan Petru di i C. ùn era ancora ghjuntu, cù la sò ghjamba manca, mozza) ! U paesi s'era impiutu à omi sgannati e tristi, guasgi tra dui mondi, u soiu (vena à dì quiddu di a cianga universali e di u zolffaru putenti) e u nostru (paisanu, fattu à savori  nepitaneschi, di la nostra ghjuventù).

Erani passati sti tempi à disfà mondi.

Mamma, spasimata di guai, si n'era morta di picondria. Fù purtata indi a tarra di Porcu Cioncu, nanzu arimani. 

A sò croci, di farru battutu, riservata à u forsgerò (sic) cù la sò placca di ramu: 

à AA 1865-1920...

Me frateddu Ghjilormu, chi si n'era surtitu vivu, ripigliava, eddu, a casa e li pocchi orti che nò t'avivami. Me suredda richjusa indi a sò tana, sposa muta di u silenziu, nun diciva più nudda, più.

Sarà ciò che Diu vuliva?

M'arristava u bateddu. 

U Maréchal Bugeaud

Ind'u portu d'Algiri

(1920)

A pesta

Trè volti ch'era sparatu à Luciferu ssi pocchi mesi. 

Prima c'è statu sta guerra maladetta, quattru anni in ssi sanguicianghi in Francia, poi fù u colpu di Maria-Ughetta, sparita e persa oramai par u sempri, e pò, ultima batarchjata: a pesta maligna chi ha toccu u paesi un annu fà.

Prima vi ghjunghji l'influenza, batti l'infribbatura, poi, u tardaveddu chi vi scuzula da u capu à i pedi, quiddi presi di a tirizia erani pocchi à francassi la... 

In paesi c'è statu trè morti e tutti ind'a stessa famiglia di i Muglieri, brava e povara ghjenta chi stavani in Ziva. Frimata sola in casa, Mariuccia è impazzita...

In Tuccoli (à trè chilometri da cuici, più sopra), inveci, u tazzu fù di i maiori. 

Dicini chi sò stati trenta cinqui à mora, i tinti. Un vuliva à dì, mancu a ghjaddina spizzata nun bastava à guariscia la ghjenti chi sta pesta un era curatoghja...

A sera, unipocchi di nostri, i Petrirussaci sempri sani (massimu quiddi vultati da u fronti, ma c'era ancu à Zi Mineccu e Zi Caiazziolu), cuddavani sopr'à i Fuati à vardà u Punticeddu di i Mulini chi i Tucculesi ùn varchessini micca.*

Sintineddi vani di a notti. Sintineddi d'un mondu novu duve agnunu t'aviva a paura di l'altru, massimu di notti, quantu chi a luci di u soli purtessi u risanamentu, pinseti !!! Povari à noi... 

Preti Cristofari aviva turratu à fà apra l'arca di a Nuccia. Dicini ch'hani lampatu culà a zitedda viva, in puntu di morasini, in catalettu... povari à noi.*

Ind'i casi sbiancavani i muri à calcina viva*, a puzza di u zulfaru brusgiatu sopra u ziglioni* impiva l'aria notti e ghjornu e vi pigliva in gola.

Ci vuliva à tumbà a magazzona chi vi viniva à l'appicciu, à l'appiatu**.

Aviva dettu, ch'eddu ci vuliva à fà cusì, u duttori militaru aiaccinu Chevalier, chjamatu da Santu Bombò, u merri dapoi 1914.

Alexia, edda, mi cuntava a piena di a Seine di stu ghjinaghju di 1920... 

Agnunu i sò primuri.

Mariuccia di i Mjuglieri

(Gaston Vuillier)

* Fatti veritativi, cuntati in paesi, sempri oghji.

** Cù l'aiutu di a storia, guasgi listessa (!), conta da Maria Leandri in, Spiritu di una terra, p 137 e seg. Edizioni Spondi, 2017

Capitanu k (6)

Canta Sonia, senza malincunia, cù passioni 

Mari, mari, mariucciu,

Nun piglià i marinà

Mi andaraghju in mari

À circati la matinà.

Acqua e sali, mari, 

Mai, nun ti possu scurdà.

O mari, par piacè, mariucciu,

Portami l'acceddu meiu, 

Lu mè caru accidducciu.*

*Da, Louis Gaulis, capitaine karagheuz, p 51, Coopérative Rencontre, Lausanne, sd v 1960.

Pruverbii

C'è à chi dici "Muta paesi, muta furtuna."* E à chi dici: " À chi muta mucca"*,  e "bestia muccata nun voli imbastu", prestu l'emi à sapè... 

"O galera o calescia "! Ha dettu à Dumenicu Antoni. Vidaremi. 

Dumenicu Antoni

A v'aghju detta, Dumenicu Antoni, amicu di prima ghjuventù, era un paisanu à mè, figliolu di zia Pasqualina e di Zì Ghjasipolu di i Frameschi, chi stavani ind'u fondu di u paesi, ind'a vecchja casa di i Marcagnulà, duve erani lucatarii.

Eru andatu in scola cun eddu è cù Ghjuvani u frateddu. À Dumenicu Antoni, chi m'era più chjuccu, li purtava trè anni. 

I nostri dui famigli sò sempri stati bè. 

U prima à parta in Algeria, à fà u stitutori fù, Ghjuvani, u frateddu maori, suvitatu da poccu da Dumenicu Antoni. Eddu, facciva u scippatori di petra in paesi stessu, chi parecchja ghjenta s'era arichitta ss'ultimi anni, in'i culunii e mandavani massi soldi in paesi. Facci chi alzavani i casi.

Dumenicu Antoni era un giganti, forti cum'è un castagnu ! Ini scola, si piattava sempri darretu à mè, d'ùn avè à risponda à i fabbii di La Funtana, chi li scappavani sempri i paroddi.

U frateddu era partutu culà in 1912, Dumenicu Antoni eddu aviva suvitatu in 1914, prime d'essa arrulatu culà in u terzu regimentu di marcia di i Spaì algeriani. Ha fattu l'Artois (Ryssel, Arras..), prima d'essa mandatu cù u sò squatrone in Orienti e doppu in Siria.

Infini chi, s'era truvatu demubilizatu cui, in Parghji, prima di vultassini in Algieri. "Mais, d'abord, on va au village !" A diciva d'una manera particulari, cù un accentu, chi mischiva u corsu, cù francesu, filicatu cù l'accentu, guasgiu comu à quiddu d'Hassan...

Avivami da fà, cù Dumenicu Antoni, u viaghju. "Pò, t'aghju da fà capiscia a vita, eiu. C'emi à empia i stacchi. Vidarè, mì. Chi tanti La Fontaine, chi nun mi garba li tò acqui, vive Alger la blanche (e risi,  ohhh) !"

Era a sò prumessa. 

Comment est ta peine ?

"Oghji si n'è andata à mamma, par u sempri. O podassi arimani, mancu ùn la sogu eiu."*

Quali sarà statu ad avemi missu in capu stu turmentu ?

Mi tiniva à passà in paesi. Un la sogu, forsa l'Algeria sarà par noi un paesi di cucagna? Ma, mi ci vuliva à passà par u paesi, à veda i vecchji, me suredda, me frateddu, i vecchji e pò visitami i cimiterii di tutti i spariti, ch'eddi fussini stati sti trenta cinqui tombi in Francia, in sta mataccina (par noi, è mancatu un pelu). E s'astri morti di miseria, di tristezza, di malatia, d'avè a morba in cori... l'Assenza, sapeti.

Stava, eiu, senza mancu nutizii di mamma, di i mei. 

Andarà cum'edda andarà, ma mi tocca avà à riintrà. Avà !!!

U sentu da quì, à preti Cristofari, in pulpitru, in ghjesgia :"La morte è il sonno  dei buoni, il terrore dei ricchi, il ricovero dei povari e la consolazione dei tribolati !" E cusì sia, o sgiò curà !

"Comment est ta peine ? La mienne est comme ça (...), il faudrait qu'on apprenne... " Dici a canzona.**

*Incipitu di U Stragneru, A Camus.

**Comment est ta peine, B Biolay, 05/2020 UM Polydor.

La Samaritaine (10)

13 di ghjunghju di u 1920

Oghji in paesi è Sant'Antoni à i chjarasgi, Sant'Antoni di u Cavoni. Messa fatta, u preti binidisci in piazza, a ropa pronta à muntagnà: sgiotti, vacchi, pecuri, cavaddi, muli, ghjaccari, famiglii e pastori à buleghju e, u doppu mezziornu sò corsi di cavaddi e cuncorsi diversi, abissinta e vinu di i Petri Rossi, chi ohhh ! I vegu da quì.

Parò stu mondu m'era luntanu, tantu luntanu, quantu chi m'avissi pigliatu un palazzu interu in capu.

Eiu, in francesu à Alexia: "Partis pour l'Amérique, conquérir la fortune, nous finîmes en mer emportés tout au nord de l'Oural, pour échouer, perdants, sur les trottoirs d'ici. 

La défaite est complète, et depuis le début, depuis mon départ du village. Rien à rajouter, si, quelques morts en plus: des bolcheviks, des nôtres, l'inverse. Je ne sais même plus à quels peuples appartiennent ces crânes qui une fois rongés,  débarrassés des chairs se ressemblent exactement tous."

Tandu à Alexia :" Mais vous êtes donc maudits, tous tant que vous êtes !?"

Eiu: "Non, pas tous, un ami du village, rencontré à Paris, me parle de l'Algérie. Tout y semble facile."

Alexia : "Regardez vous en face. Vous fuyez. Partir pour oublier que l'on n'oublie jamais, la belle histoire ! Partir, c'est continuer à rester, c'est faire semblant ailleurs. Peut-être est-ce plus facile ?"

Eiu: "Je cherche le repos, juste un peu de repos. Mes preuves de courage ont été épuisées. Je cherche du repos, comprenez--vous cela ? Et vous Alexia, viendriez-vous à Alger avec moi ?"

Alexia mi lentedi subitu a manu e fessi un passu in darretu. Stedimi cusi una bedda stonda, arriti da culanda à a Samaritaine, rue du Pont Neuf. I lumignuli di u magazenu s'alluminavani u fiumi e, s'edd'un era ssu varmazzu in capu, mi saria ancu piaciuta sta siritina parighjina. Ma mi pichjava a capaghjina e mi pigliava in capu.

Poi mi dissi, à edda: "Savez-vous seulement contre quoi vous vous battez Sarratu ? N'y a-t-il pas d'autres causes à chérir que son propre égoïsme ?"

Eiu :" Vous avez tout compris de moi, Alexia, sauf une chose, encore : je suis si fatigué de tout."

Ci licianziedimi senza mancu a prumessa d'un antru dumani insemi. Frimedimi in troncu di chjavetta, (diciva cusì à Zi Chjuccu, facciva u scarparu in Piazzetta).

Una volta di più, m'aviva vintu e stravintu à Marie-Hughette. Ch'edda sighi maladetta e bastà !

© DR - Vanité 1849 par Dioniso Fierros

Werck (15)

Lu 10 di ghjunghju di 1920,

S'imbrugliavani li cosi e u filu ingarbugliatu di la me vita s'alungava à divintà sarpi...
Pà a prima volta dipoi mesi e mesi, l'occhji di Alexia (ssu x ind'a me bocca divintava "cheusieu"), supranavani i pinseri mei pà Marie-Hughette. I sintivu baddà l'idei indi u me ciarbeddu maccu. L'ordini s'era fattu disordini.

T'avivu sta canzona in capu, chi mi cantava :
" Si ! 

La speranza che delude sempre!
Guizza al pari di fiamma e non è fiamma !
È talvolta delirio ! 
È frebbe d'impeto e ardore !
L'inerzia lo tramuta in un languore !
Se ti perdi o trapassi, si raffredda !
Se sogni la conquista, avvampa ! 
Ha una voce che trepido tu ascolti,
E, del tramonto il vivido bagliore !"*

Baddavani i steddi sopr'à la Samaritaine, credetimi puru.
Tandu à Alexia (mi strigniva a manu indi a soia): "Sarratu, vous semblez encore hésiter entre avenir et souvenirs, n'est-ce pas ?"
Eiu: ...
Tandu edda: "J'ai suivi votre guerre jusqu'au bout, jusqu'à votre désertion. Marie-Hughette m'a tout dit.
Racontez-moi la suite !"
Eiu, (inzilitu): ...
Alexia: "Je vous en prie !"

Eiu, decisu: "Le bateau s'affonda (sic) et avec quelques amis nous avons pu nager jusqu'à la rive. Deux jours plus tard, cachés dans une grotte, nous étions dénoncés à la gendarmerie et portés en prison. Un mois après peut-être, nous recevons la visite d'un capitaine qui nous dit: "C'est à vous de choisir, le peloton d'exécution ou un nouvel engagement, dans la légion cette fois !" Nous prîmes, alors, le  bateau, un cuirassé, au Havre, direction le Nord-ouest de la Russie, sous le commandement du lieutenant-colonel Donop**. C'est ainsi que nous nous sommes retrouvés là-bas à Arkhangelsk***... "sulla strada del'esilio"*

Ne me demandez pas qui étaient nos ennemis, qui étaient nos alliés. Mais, c'était ça ou la mort assurée. 

Nous avons tenu jusqu'en avril dernier puis nous sommes revenus. Après, j'ai vécu à Paris, à la cloche ou presque, et jusqu'à aujourd'hui. Me voilà... "
Tandu à Alexia : "Oh... mon Dieu, mon Dieu !!!"

Pinsava: Petchora e Ust Tsilma sò parenti di Miseria ! O Brulelliot, purcacciu, amusati e "mostrati in cielo (...) o testa mozza..."*

*Da Turandot, G Puccini. (Atti 1, 2 e 3)
**https://www.persee.fr/doc/rhmc_0048-8003_1977_num_24_3_990

*** Da veda, u bigliettu di u 25/08/2019