Dedicatu à u Moltifincu chi m'ha contu stu fattu veru di a sò vita. U salutu cun grand' rispettu ed amicizia.
Dipoi ch'eddu è ghjuntu à Antoni, a sera facciu più à a lestra. Mungu à spiciera chi mi tarda à fà a veghja ind'a zi Baroni. Sentu i discorsi d'Antoni u gira-mondu.
M'ha dettu di u portu di Marseglia ! A sentalu, ci saria più bateddi ind'u portu cà sgiotti in paesi (ma cuista un mi la vogliu mancu creda).
Ha vistu : l'Africa cù a sò ghjenti nera e salvatica, è passatu pà Suesu (?) Ha vistu l'Arabia, diserti e diserti, senza acqui... è andatu in China. Ghjenti cullà ? Com'à furmiculi (1).
Antoni u navigatori ! Quissa pò...
M'ha cuntatu dinò di i bateddi in Marseglia, bateddi più cà sgiotti in paesi ... quissa pò : ci sò i batidducci com'induva noi, e pò, bateddi à veli e bastimenti "à vapori". Sò ssi bateddi nuveli chi marchjani puru ancu senza ventu. Inghjotta ni furesti di carboni. Annu ci n'era unu, biancu-biancu, in Aghjacciu, m'hani dettu ch'edda aposta pà purtà si via i tonti (?)
In Marseglia, Antoni sì ni stà vicin'à u portu, in un palazzu com'eddi ci sò ind'u Carrughju Drittu. A sò stanza a chjama "l'ha par tamantu" (l'appartement ?). Corsi ci n'hè parrechji culà. Compra i ligumi ind'a ùn certu Torra, cuttulesu. A carri ind'un auccianesu e u pani ind'una tavacaccia, a vuleti creda ?
Un ghjornu, doppu à parechji mesi di bateddu, sò ghjunti ind'un portu chinesu. Erani in persmissioni e si n'hè andatu cù certi amichi corsi da veda i donni in villa. Erani vistutu di biancu com'eddu è l'usu quandu scala u bateddu. T'hani a tinuta di a marina : turchinu in Francia (e pur'in Corsica) e biancu à i culunie. I ghjorni innanzu c'era stata a musson' (?) veni à dì ch'eddu aviva piuvitu parecchi ghjorni e quand'eddu piovi culà, fallani à paghjulati, chi, m'eti capitu !?
Erani ghjunti in punta d'una strada e superavani tutti sti locchi. Più inghjò c'era un carriteddu pienu à legnu, burdunali e fusti, carcu. L'amicu chi era ancu ancun'eddu, Petru (di Moltifau) ha Dettu : "Femmi a scumessa ? Eiu dicu chi u carru è tiratu da 6 boi ?" Tandu Antoni, aghju dettu "Isiè, ma par contu meiu, avivu pinsatu ch'eddu era un tiru da ottu boi !"
U carru s'avvicina : e nun sò ne muli, ne cavaddi, ne boi, ne sameri, à tirà : sò omi, mezzi nuddi cù i pedi ind'a cianga insin' à i ghjinnochji ! Omi, sì !!!
L'amicu Moltifincu è statu intinniritu. Erani cosi d'un antru modu !
(1) "Le cliché est la voie royale de la pénétration des mentalités, tous les géographes vous le diront." (!!!) François Caviglioli, Ce soir ou jamais, France 3, 26/09/2011.
Dipoi ch'eddu è ghjuntu à Antoni, a sera facciu più à a lestra. Mungu à spiciera chi mi tarda à fà a veghja ind'a zi Baroni. Sentu i discorsi d'Antoni u gira-mondu.
M'ha dettu di u portu di Marseglia ! A sentalu, ci saria più bateddi ind'u portu cà sgiotti in paesi (ma cuista un mi la vogliu mancu creda).
Ha vistu : l'Africa cù a sò ghjenti nera e salvatica, è passatu pà Suesu (?) Ha vistu l'Arabia, diserti e diserti, senza acqui... è andatu in China. Ghjenti cullà ? Com'à furmiculi (1).
Antoni u navigatori ! Quissa pò...
M'ha cuntatu dinò di i bateddi in Marseglia, bateddi più cà sgiotti in paesi ... quissa pò : ci sò i batidducci com'induva noi, e pò, bateddi à veli e bastimenti "à vapori". Sò ssi bateddi nuveli chi marchjani puru ancu senza ventu. Inghjotta ni furesti di carboni. Annu ci n'era unu, biancu-biancu, in Aghjacciu, m'hani dettu ch'edda aposta pà purtà si via i tonti (?)
In Marseglia, Antoni sì ni stà vicin'à u portu, in un palazzu com'eddi ci sò ind'u Carrughju Drittu. A sò stanza a chjama "l'ha par tamantu" (l'appartement ?). Corsi ci n'hè parrechji culà. Compra i ligumi ind'a ùn certu Torra, cuttulesu. A carri ind'un auccianesu e u pani ind'una tavacaccia, a vuleti creda ?
Un ghjornu, doppu à parechji mesi di bateddu, sò ghjunti ind'un portu chinesu. Erani in persmissioni e si n'hè andatu cù certi amichi corsi da veda i donni in villa. Erani vistutu di biancu com'eddu è l'usu quandu scala u bateddu. T'hani a tinuta di a marina : turchinu in Francia (e pur'in Corsica) e biancu à i culunie. I ghjorni innanzu c'era stata a musson' (?) veni à dì ch'eddu aviva piuvitu parecchi ghjorni e quand'eddu piovi culà, fallani à paghjulati, chi, m'eti capitu !?
Erani ghjunti in punta d'una strada e superavani tutti sti locchi. Più inghjò c'era un carriteddu pienu à legnu, burdunali e fusti, carcu. L'amicu chi era ancu ancun'eddu, Petru (di Moltifau) ha Dettu : "Femmi a scumessa ? Eiu dicu chi u carru è tiratu da 6 boi ?" Tandu Antoni, aghju dettu "Isiè, ma par contu meiu, avivu pinsatu ch'eddu era un tiru da ottu boi !"
U carru s'avvicina : e nun sò ne muli, ne cavaddi, ne boi, ne sameri, à tirà : sò omi, mezzi nuddi cù i pedi ind'a cianga insin' à i ghjinnochji ! Omi, sì !!!
L'amicu Moltifincu è statu intinniritu. Erani cosi d'un antru modu !
(1) "Le cliché est la voie royale de la pénétration des mentalités, tous les géographes vous le diront." (!!!) François Caviglioli, Ce soir ou jamais, France 3, 26/09/2011.
