"Penna" in capu

U brocciu era guasgi sempri caldu.
Pichju à u marchjoni, entru e u dogu à zia Ghjorma chi m'aviva apartu u purtoni.
Mi ni coddu à fà a me prima lezzioni particulari !!!
Ci ritruvemi ancu u sgiò stitutori in una pezza bianca e bedda assistata à u primu pianu di a casa nova di Santu Spiritu. Eddu, pusatu à u focu, mi dici "Avviccinati u mè ziteddu, aiò. Veni e posa cuì ". M'avvicingu, pigliu una carriguccia e mi mettu à fiancu à eddu, à manca.
Chi sarà ssa trimulera chi m'è pigliatu ind'a schiena ?
Ha presu una foglia maiora, l'ha posta annantu à un libru maiorueddu ed ha scrittu à a lestra un "A " al mancu d'un palmu. " Di quissu cui ti n'invinarè o Sarrà ? " Eiu, guasgi senza voci : "Nò, mi pari ch'innò".
"Quissu, vedi, saria un "A" , A sapparè, è fattu cum'è à u tettu di a nostra casa. U "A" è fattu à tettu, ti n'invinarè ?"
"Avà, provi ancu tù à faddu, cuì, nantu à stu fogliu di a carta".
O i mè guai, à tena sta penna in manu, un sapivu chi fà. Mi ni stavu bocca aparta e manu rita. D'un colpu fighjulgu e vegu l'inchjostru viulettu, chi mi fala u longu di u bracciu. Pigliu, in quattru e trè setti, e dagali mi copru i dui mani d'inchjostru ! Ghjuvannimaria chjama à zia Ghjorma ch'edda mi purtessi un asciuvamanu

infusu.
Nittatu chi sogu, provu anch'eiu, e vi facciu un "A" chi s'assumiglia... più à un tettu sfundatu cà à unu di sti tetti novi, novi di ssi casi d'avali.
.
A ma ...! Vai chi dumatina !!!